بتعاني من مشكلة الأرق؟؟!...اتعرف علي الحل النهائي لمشكلة الأرق و كيفية العلاج .

ناس كتير بيشتكوا من الارق
او من الصعوبة ف النوم ... او ان النوم بيكون متقطع
* مبتعرفش تنام بدري
* بتنام وبتصحي ف النص كتير
* مبتعرفش تنام قبل الفجر ... وممكن تسهر ل 5 و 6 ص كمان عشان النوم يجي 

...
فموضوع مهم وناس كتير محتاجاه ,,, وان شاء الله يكون مفيد ويجيب معاكوا نتيجة كويسة
"" هنتكلم ف المقال هنا عن ارشادات_عامة ,,, وعن المسئول_الاهم والمنظم الاهم
لتنظيم عملية النوم ,,, وسلاسة النوم 

الارشادات :-

= لازم تجهز مكان النوم للنوم ... يعني الاوضة تكون مثهيئة للنوم ...
مفيش دوشة ,,, التلفزيون مقفول ... اى صوت مقفول وبعيد
والاهم موبايلك معمول سيلنت وبعيد عنك ع الاقل 10 م .

= لازم يكون مكان النوم ضلمة والناس ال بتخاف من الضلمة ممكن يفتحوا نور الصاله او نور بعيد نسبيا , لكن بلاش نور ف نفس غرفة النوم ودي هنعرف انها دور_هرموني ف الجسم مهم جدا ف الفقرة ال جاىة من المقال .

= لازم تفضي ذهنك ,,, لازم تنسي اى مشكلة او اى حاجة شغلاك ,,, مش هتعرف تنساها انا عارف لكن """ تناساها """ تناساها دلوقتي وابعدها عن تفكيرك تماما
وابقي افتكرها يا سيدي لما تصحي ,,, مش لازم تفكر فيها وانت ع السرير !
,, ومتستناش حاجة ,,, عندك معاد او خروجة او فسحة او مقابلة
هتيجي هتيجي ان شاء الله طالما ربنا كاتبهالك ,,, فانت تنام وتكون فايق
افضل ما تروح وانت مطبق ولا مش نايم كويس ويكون تركيزك اقل
ومستوي حضورك الذهني ضعيف ,,, وتخسر كتير ! .

= لازم يكون جسمك محتاج_للنوم ,,, يعني لازم تكون تعبت ف يومك ,,, عملت مجهود
شغل ,,, تمرين ,,, شغل وتمرين ,,, عشان جسمك بالبلدي يكون #عطشان للنوم
واول لما تلمس السرير بس يبدأ يخش ف عملية النوم ف اسرع وقت ممكن
فحاول تهتم بالمجهود ف يومك شوية " الكلام هنا خصوصا للناس ال ف اجازة " .

.... ... .... ....

طيب اى بقي الحاجة ال هتساعد معاك وانت ماشي ع الارشادات دي ,,, او الحاجة ال هتساعد اى حد بيدور ع انه #ينام بكم كافي وبشكل سليم اكتر ,,, ويستفاد اكتر من النوم
,,,
الحاجة هي " هرمون ال ميلاتونين "
Melatonin Hormone
الهرمون دا بيتفرز ف المخ ,,, بنسب معينة ,,, وف اوقات معينة
,,,
الهرمون دا بيخلي الجسم ف #حالة_استرخاء ,,, وبيديك احساس بالوخم
وانك عاوز تنام وتريح جسمك

فان الجسم ف وقت النوم ف فترة " 10 م ل 1 ص " يكون ف نسب عاليه من الهرمون دا
,,, دي حاجة هتخلي جسمك يُطلب النوم ويكون محتاج للنوم .
وكمان الهرمون دا بيساعد ع انك متصحاش وانت نايم ,,, ويكون نومك #متصل_ثابت
والهرمون دا بيتفرز خصوصا لما يكون #الجو_ضلمة ,,, عشان كدا فوق قولت ف وقت النوم الاوضة تكون ضلمة ومفيش نور حواليك
;)
,,,,

الهرمون دا بيتباع ع هيئة كبسولات منفصله ,,, ودي بياخدها الناس ال عندها الموضوع
مرض او مشكلة كبيرة ,,, وبيكون تحت اشراف طبيب

لكن هنا احنا مش هنعمل اكتر من اننا هنعرف اى هى #الاكلات_المحفزة
لافراز الميلاتونين

الاكلات :-

- الاناناس .
- الموز .
- الطماطم .
- الشوفان .
- البرتقال .

فاي حد
" بيعاني من السهر الزايد او الارق ,,, او ال بتنام بشكل متقطع ,,, محتاج يكون عندك ميلاتونين عالي ف جسمك ف فترة المساء ,,, فهتلتزم ع الارشادات ال كتبناها
وهتاكل الاكل ال قولته دا ,,, ف فترة بليل ,,, حاجة او اتنين او تلاتة منهم
ع هيئة اكل مباشر او عصير او شوربة او ايان كان الوسيله او الشكل "

وان شاء الله تلاقي تحسن كبير ونتيجة مُرضية 

,,,

.يارب يكون مقال عند حسن الظن

اقرء المزيد

بطاطس محمرة دايت

نقدم لكم اول مرة طريقة تحضير البطاطس المحمرة الدايت 

المكونات :
نصف كيلو بطاطس
زيت زيتون
ملح و فلفل

طريقة التحضير :
تقطع البطاطس اصابع
تسلق مع مرقة لمدة 5 دقائق
في وعاء عميق تتبل بالملح و الفلفل و ملعقة زيت و تقلب بتحريك الوعاء
ترص في صينية و تدخل الفرن حتي الاحمرار
تقدم مع الكاتشاب او الطحينة

نتمني ان تنال الوصفة اعجابكم مع الوعد بتقديم المزيد مع الدكتور 

اقرء المزيد

كيكة القرفة بالتفاح

نقدم لكم اليوم طريقة عمل كيك التفاح بالقرفة و الوصفة دي تنفع للدايت و مناسبه للانظمة الغذائية كعنصر كربوهيدرات. 

المقادير :-

1و 1/2 كوب دقيق.
- 1 كوب سكر.
- 1و 1/2 ملعقة صغيرة بيكنج بودر.
- 1 و 1/2 ملعقة صغيرة قرفة.
- 1/2 ملعقة صغيرة ملح.
- 3/4 كوب لبن خالي الدسم.
- 2 ملعقة كبيرة زبدة في درجة حرارة الغرفة.
- 1 ملعقة صغيرة فانيليا.
- 1 بيضة.
- ثمرة تفاح مقشرة ومقطعة مكعبات صغيرة.

مقادير الطبقة الخارجية المقرمشة :-
1/4 كوب سكر بني.
- 2 ملعقة كبيرة دقيق.
- 1/2 ملعقة صغيرة قرفة.
- 2 ملعقة كبيرة زبدة.

طريقة التحضير :-
يُسخن الفرن مسبقاً عند درجة حرارة 350 درجة.
- يُخلط الدقيق مع السكر والبيكنج بودر والملح جيداً ويترك الخليط جانباً.
- باستخدام المضرب الكهربي تخفق الزبدة مع اللبن والفانيليا والبيض على سرعة متوسطة حتى تمام التجانس
- يضاف خليط الدقيق تدريجياً إلى خليط الزبدة ويمزج باستخدام ملعقة حتى تتجانس المكونات تماماً.
- يضاف التفاح إلى خليط الكيك مع التقليب، ويصب الكيك في صينية فرن بعد دهنها بقليل من الزبدة.

لعمل الطبقة المقرمشة الخارجية :-
يخلط السكر البني والدقيق والقرفة والزبدة باستخدام المضرب الكهربي لمدة دقيقتين على سرعة عالية.
- يصب الخليط على الكيك ويتم توزيعه بالتساوي..
- تخبز الكيك على درجة حرارة 350 درجة لمدة 45 دقيقة أو حتى احمرار السطح وتختبر بطرف السكين.
- تترك الكيك تبرد لمدة 10 دقائق وتقدم مع الشاي كوجبة إفطار خفيفة منخفضة السعرات الحرارية.
- يضاف التفاح إلى خليط الكيك مع التقليب، ويصب الكيك في صينية فرن بعد دهنها بقليل من الزبدة.

اقرء المزيد

الترهلات.....ما هي أسبابها و كيف نتخلص منها ؟!

عانيت كتير من الترهلات اللي بتخلي شكل جسمك غير مرضي !

زهقت و محتاج الحل !!

انهاردة هنقولك علي النصائح و الخطوات اللي هتمكنك انك تتخلص من الترهلات بطرق فعاله 

 ليه بتحصل الترهلات ؟!

‏الجلد  ده جزء من اجزاء جسمك بيتمدد بسهوله جدا  لو جسمك محتاج يزيد  

- مثلا زي في الحمل لازم البطن هتكبر ف بسهوله بيقدر يتمدد ويزود حجمه
- لو كلت كتير ( وحملت) قصدي تخنت وبقي عندك بالونه فبطنك اوجنابك او اردافك :D
- لو هتلعب حديد وعضلاتك هتزيد برضو جلدك هيتمدد علشان زياده حجم عضلي  

- ما هو لو مش بيتمدد  جسمك هيفرقع زي البلونه :D

‏لكن
للاسف  مش بيرضي يرجع  بنفس السهوله  ينكمش تاني زي التمدد الي حصل بسهوله 

- طيب ايه الحل :

والله  انت تخين وخسيت في 3 احتمالات :

‏1- الجلد الي اتمدد  ممكن يرجع يتشد زي الاول
2- ممكن نص ونص
3- ممكن مايرجعش 

‏ - الموضوع  بيختلف حسب عوامل كثير:

‏- كميه الوزن الي خسيته
‏- وطبيعة جلدك و جيناتك

‏يعني مثلا في  ناس  خسوا وزن كبير  جدااااا ومعندهمش اي ترهل
وفي ناس خست وزن مش كبير وعندها ترهلات 

- طيب الحل ايه يعني يا دكتور ؟ ‏

‏-  لازم تنزل نسبه دهون جسمك لاقل درجه ممكنه عن طريق النظام الغدائي .
- ولازم من بدايه الدايت تبداء رياضه  خصوصا المقاومه بالاوزان  علشان عضلات تساعد في تعويض الفراغ الي هتسيبه الدهون .
- برضو علشان تدي جلدك مجال انه يرجع يتقلص وينكمش وموضوع بياخد وقت طويل ومحتاج منك صبر وعدم استعجال .
- و كل ما كان نزول الوزن ببطئ او بطريقه صحيه ومناسبه وخد وقته حسب طبيعه جسمك بيقلل فرصه الترهلات .

طيب لو حضرتك قولت هخس الأول وبعدين ابدا رياضه .

كده فرصة الترهلات أكبر بكتير جداااااااااااا خصوصا لو وزنك عالي

- وطبعا الانظمه الغذائية القاسية والنزول السريع للوزن بيزود فرص حدوث ترهلات عاليه لان بيدمر العضلات الي هتساعدك في شد ترهلات 

- بنسبه لاجهزه شد الترهلات : 

‏- اجهزة عيادات الجلدية الموضعية

اغلبها نصب ومفيش اي ادله علميه علي انها بتنجح في شد ترهلات الجسم 

- كريمات شد ترهلات 

برضو نصب ومفيش اي ادله ولا نتائج من استخدمها 

‏حتى  استخدام منتجات الكولاجين
‏مش  مثبت انه يشد الجلد واساسا الكولاجين موجود في اكلنا بدون مكمل 

‏- شفط الدهون حتى بالفيزر المكلف
‏ميضمنلكش (شد الترهل ) وممكن يخليه اسوء  
‏و هتدفع  مبلغ كبير  وفي الاخر ممكن جسمك يتشوه اكتر واكتر لانه هيسحب الدهون من تحت الجلد وهيسيب الجلد زي ما هو  

‏- لو  الترهل شديد وزهقت منه :

‏مفيش قدامك غير حل   (واحد بصوت هنيدي ) الحل الجراحي 

تشوف دكتور يكون استشاري جراحة تجميل حاصل على (البورد في جراحة التجميل)  وعنده خبره
‏
‏وحاول تتأكد انه دكتور كويس وليه خبرة ‏في  عمليات شد كتيرة  ومختلفة

‏حسب المنطقة ودرجة الترهل

‏- مثلا في البطن  :

‏جراحة abdominoplasty
‏تسمى ايضا tummy tuck

‏الملخص :
-الترهلات تعتمد علي نوعيه جلد كل شخص
‏-استمر في دايت يكون مناسب وصحي ونزول بطئ للوزن
- ممارسه الرياضه بالاوزان والصبر وتنزل دهون جسمك لاقل نسبه ممكنه
‏-لو  لقدر الله عملت كل ده وبرضو حصل ترهل فكدة ممكن تلجأ لحل جراحي فعال.  

اقرء المزيد

سموزي الأناناس بالموز

نقدم لكم اليوم طريقة عمل المشروب الصحي سموزي الأناناس بالموز .

المكونات:

- 1 ثمرة موز مقطعة
- 2 ملعقة كبيرة من العسل
- 1 ½ كوب أناناس مقطع
- 1 كوب لبن لوز

الطريقة:

1- أحضري الخلاط الكهربائي، ثم ضعي الموز واللبن.
2- أضيفي الأناناس والعسل على الموز، واخلطي المزيج جيدًا.
3- ضعي سموزي الموز بالأناناس في أكواب التقديم.

نتمني ان تنال الوصفة اعجابكم و ف انتظار تعليقاتكم.

اقرء المزيد

14 وصفة طبيعية من منزلك لتبييض الأسنان بشكل مذهل...جربها و ستري الفرق .

يعاني العديد من الأشخاص من مشكلة اصفرار الأسنان وتغيّر لونها، ويعود ذلك لعدّة أساب منها: التدخين، وتناول الأطعمة والمشروبات التي تحتوي على أصباغ، أو نتيجة الإهمال في تنظيفها، ونتيجةً لذلك يلجأ الكثير من الأشخاص إلى اتباع الطرق المختلفة لتبييض الأسنان وتنظيفها، والتي سوف نذكر بعضها في هذا المقال.

  قشور البرتقال و الليمون

تستخدم قشور البرتقال من خلال فرك الأسنان بالجزء الأبيض منها لمدّة أربع دقائق، ثم المضمضة بالماء جيداً، ثمّ غسل الأسنان بالمعجون، حيث تساعد هذه الخلطة على إزالة الإصفرار في الأسنان وإزالة الطبقة العالقة عليها، ويفضّل تكرار استخدام الخلطة يومياً.

 
عصير الليمون
يعدّ الليمون أحد المواد الطبيعيّة الفعّالة في تبييض الأسنان وتنظيفها، فهو يساعد في إزالة البقع الصفراء الموجودة على الأسنان، وكذلك المواد الكلسية المتراكمة من بقايا الطعام، ويتمّ استخدامه بوضع كمية من عصير الليمون في وعاء صغير الحجم، وإضافة القليل من الملح إليه، وخلط المزيج جيداً، ثمّ المضمضة به، وتركه لمدّة أربع دقائق على الأسنان، واستخدام الخلطة بشكلٍ متكرّر يومياً حتى ملاحظة الفرق.

خلطة الفحم
يحتوي الفحم على مادة الكربون التي تتحد مع المواد الموجودة على الأسنان، ويتمّ تحضير الخلطة بوضع مقدار ملعقة كبيرة من الفحم  الطبي و يباع اقراص في الصيدليات و يطحن في وعاء، وإضافة فنجان من عصير الليمون الحامض إليها، وخلط المكوّنات جيداً حتى تتجانس، ثمّ غسل الأسنان وتنظيفها جيداً بمعجون الأسنان، بعد ذلك يتمّ وضع القليل من الخليط على فرشاة الأسنان، ودعك الأسنان بها لمدّة خمس دقائق، بعدها يتمّ تنظيف الأسنان بالماء لإزالة آثار الفحم، حيث تساعد هذه الخلطة في تبييض الأسنان من الاستخدام الأوّل

 صودا الخبز او بيكربونات الصوديوم
تستخدم صودا الخبز في تنظيف الأسنان وتبييضها وإزالة البقع الصفراء والتكلسات عنها والناتجة عن تراكم الطعام لفترات طويلة، حيث يمكن استخدامها من خلال تبليل فرشاة الأسنان بالماء، ثمّ تغميسها في الصودا حتى يصبح لونها أبيض، ثمّ فرك الأسنان بالخليط، وتركه لمدّة خمس دقائق، ثم غسل الأسنان بالمعجون والماء، مع تكرار العملية يومياً حتى يتم الحصول على النتائج المطلوبة

 خلّ التفاح
يستخدم من خلال وضع ملعقة من خلّ التفاح مع ملعقة من بيكربونات الصوديوم، وخلط المكوّنات جيّداً حتى يتشكّل معجون، ثمّ فرك الأسنان بالخليط، وتركه لمدّة دقيقة قبل غسله بالماء، حيث يتمّ تكرار استعمال الخلطة مرتين يومياً حتى تتمّ ملاحظة الفرق.

الموز
تستخدم قشوة الموز في تنظيف الأسنان وتقويتها لاحتوائها على الفيتامينات والعناصر المهمّة لتقوية الأسنان، حيث يمكن استخدامها من خلال فرك الأسنان بقشرة موز، وتركها لمدّة خمس دقائق، ثمّ غسلها بالماء والمعجون جيداً.

عصير الليمون و الملح 

وذلك من خلال عصر ليمونة وإضافة القليل من الملح إليه، وثمّ المضمضة بشكلٍ مستمر بهذا المحلول، وتركه فترةً على الأسنان قبل بصقها كي يساعد على تبييضها.

العسل

يكون بوضع عسل طبيعي على فرشاة الأسنان ومزجه بمعجون الأسنان من فترةٍ إلى أخرى؛ وذلك لما يحتويه العسل من فوائد تعود على صحّة الأسنان، وتقوم بتبييضها.

غسل الفم أسبوعيّا بماء الأكسجين 

فهو غير مكلف ومتوفّر في جميع المناطق، ولكن يجب عدم الإكثار من استعماله لأنّه مضرٌّ بالأسنان عند الإفراط به.

الميرميّة والملح

ويتمّ ذلك عن طريق وضع أوراق الميرميّة والملح في وعاء، ومن ثمّ طحن الأوراق حتّى تصبح كالعجينة، ثمّ وضع العجينة في فرن دافيء حتّى تصبح صلبة، وبعد ذلك فرمها جيّداً إلى أن تصبح كالبودرة التي يتم فرك الأسنان بها يوميّاً، ويمكن استعمالها أسبوعيّاً؛ فهي فعّالة في علاج اللّثة الملتهبة وتسهم في تبييض الأسنان.

النّعناع

طحن أوراق وإضافة بعض الزّيت عليه، واستخدام هذا المزيج في دهن الأسنان يوميّاً.

أوراق الغار

حيث نقوم بتجفيف وطحن أوراق الغار وإضافة قشر البرتقال إليها، ومن ثمّ دهن الأسنان بها بشكلٍ يوميّ.

زيت الزّيتون

يتمّ فرك الأسنان بقطنة مغموسة في زيت الزّيتون أو وضع الفرشاه في زيت الزيتون وغسل الأسنان بعدها. يعمل هذا الزّيت على المحافظة على نظافة الأسنان، بالإضافة إلى تقوية اللّثة ومنع نزيفها.

السواك  

يستعمل السواك وهو جذور شجرة الاراك كفرشاة الاسنان لتنظيف الاسنان وتبييضها والمحافظة على اللثة وتقويتها وتعطير الفم وقتل الجراثيم في الفم ، وكما اوصانا الرسول صلى الله عليه وسلم فقال : ( لولا ان اشق على امتي لأمرتهم بالسواك عند كل صلاة ) ، وقال : ( السواك مطهرة للفم ، مرضاة للرب )

و بكدة نكون قدمنا لكم 14 وصفة طبيعية من منزلك لتبييض الأسنان بشكل رائع و مضمون ان شاء الله 

لا تنسوا الأعجاب بصفحة الدكتور الجديدة علي الفيس بوك ليصلك كل جديد

اقرء المزيد

بتشتكي من الحموضة و ارتجاع المرئ؟!...جبنالك الحل طبيعيا بدون ادوية

من ارخم الحاجات ال ممكن تيجي لحد او ال ممكن تحس بيها
#الحموضة ... او #ارتجاع_المريء
ف المقال دا هنعرف #اقوي_حل وعلاج طبيعي بعيد عن اى ادوية
لمشكلة الحموضة والارتجاع
وهنعرف شوية حاجات تساعدنا ف السيطرة عليها ...
خصوصا للناس ال بتعاني منها بقوة ومن زمان
___________________________________________

نسمي الله ,,, ويلا نفهم كل حاجة بالتفصيل ,,,

تفسير الحموضة اى الاول ؟؟
بص معايا
عندنا ف جسمنا ف ,,, المرىء (esophagus) والمعدة (stomach)
فيه بينهم فتحة عاملة زى الباب اسمها
"lower esophageal sphincter) "Les)
الفتحة دى بتفصل بين المرىء والمعدة
والفتحة دى عبارة عن عضلة ع طول مقفولة عن طريق مؤثرات عصبية ومبتفتحش خالص غير بس لما نيجى ناكل عشان الاكل يعدى ويدخل المعدة ,,,

طيب سبب الحموضة ايه ؟ 
الحموضة ليها اسباب كتير بس السبب المشهور والى عند اغلب الناس هو :-

"ان العصارة الهاضمة بتاعة المعدة _العصارة الحمضية_
بترجع لفوق وتطلع ع المرىء وعشان هى حامضية بتعمل التهاب
وحرقان ف المرىء "

من اسمها " حموضة" جايه من حامضيه ...

وان هى تطلع لفوق ده بسبب ان الفتحة الى قولناها فوق الى هى ع طول مقفولة الا ف وقت الاكل بس ,, بتفتح وتخلى العصارة تطلع ف المرىء وتعملك #الحموضة_الارتجاع

طب الفتحة دى بتفتح لى ؟؟

دا ممكن يكون طبيعي بسبب بعض اللغبطة ف الهرمونات وده بيحصل ف الحوامل وده بيكون بسبب هرمون عند الست اسمه "البروجسترون "
دا بيخلى الفتحة دى ترخى ومتبقاش مقفولة ... لكن هنا الحموضة بتكون #مؤقتة
يعني مش مرض او تعب.

طب اى بقى الى مش طبيعى " التعب او المرض " واي سبب المشكلة دي ؟

" قعدنا نبص يمين , نبص شمال ,, الدراسه دي والبحث دا ,,, لحد ما لاقينا ان المعظم
اجمع واتفق واثبتت ان :-

من اهم اسباب المشكلة هو #الوزن_الزايد
وزن وحجم الدهون ف منطقة البطن ... هو ال بيجبر العصاره ومحتويات المعدة تطلع لفوق
ويحصلها #ارتجاع ... بالبلدي الدهون والوزن الزايد #بيزق ال ف البطن لفوق "

طيب اى العلاج ال عاوزكوا تعرفوه ... وتوصلوه لاي حد عنده المشكلة دي ...

""" #الوزن_الوزن_الوزن ... العلاج الاول والاهم للمشكلة دي هو انك تنزل وزنك ودهونك
ودا علاج #طبيعي وبسيط جدا بدون اى ادوية ... انك تشيل الحمل من ع بطنك
وتقلل الوزن ... دا ببساطة جدا هينهيلك الموضوع تماما باذن الله """

_______________________________________________

النصايح بقي ال تخلي بالك منها وانت #بتقلل_وزنك ...
او لو انت الموضوع بقاله كتير معاك ومضايقك ... :-

- انك يا سيدى متبقاش طفِس :D
يعنى متكلش كتييييير عشان الاكل الكتير بيخلى المعدة مليانة ع الاخر وغصب عنها هتقوم عملالك حموضة ...

- اوعى تاكل وتنام ... وخصوصا اوعى تنام ع ضهرك بعد الاكل ع طول عشان كده انت بتمنع الجاذبية الارضية انها تساعدك ع ان الاكل ينزل تحت للمعدة ...

- خلي الخيار والخس ف اكلك سواء سلطة او لوحده كدا ... الخيار خصوصا
بيساعد ف التقليل من الحموضه.

- قلل من الشوكولاتة والكافيين (القهوة) وخصوصا لو قبل الاكل عشان الكافيين بيخلى الفتحة ترتخى وتريح وكمان بيساعد ع زيادة الشعور بالحرق " الحموضة " ف المرىء !

-ابعد عن السجايـــــــــــــر والتدخين بكل قوة ...
وابعد عن اى مكان فيه عوادم او تراب وخليك ف مكان فيه هوا نضيف وصافي .

- متسمعش للاشاعات زى الى يقولك ... :-
= اشرب لبن ~~~ دا غلط عشان اللبن فيه بروتين وكالسيوم وده بيخلى المعدة تفرز احماض اكتر وقت الحموضة بالتالي تتوجع اكتر .

= تاني اشاعه ال يقولك اشرب نعناع ~~~ لا برده عشان النعناع بيرخى العضلة وبيخلى الفتحة تفتح والعصارة تطلع من المعدة لفوق ... بالتالي برده هتتوجع اكتر .

لو نفذت النصايح دي و لسه بتشتكي يبقي لازم تروح للدكتور المختص عشان يكتبلك ادوية مناسبة لحالتك و انا بنصح بدواء جافيسكون لعلاج الحموضة و التهاب المرئ هيريحك بشكل مذهل .

ربنا يطمنا عليكوا دايما و ينعم عليكوا بالصحة و العافية ان شاء الله  

اتمني يكون المقال افادكم و متنسوش تعملوا لايك لصفحة الدكتور الجديدة علي الفيس بوك من هنا

اقرء المزيد

التعب و الارهاق.. هنعرف اسبابه و ازاي نعالجه

 بتعاني دايما من الجهاد؟! بتحس دايما بالخمول و انك مش قادر تقوم بالشئ المطلوب منك بهمة و نشاط ؟! بتحس دايما بالضعف او بعدم التركيز سواء بتذاكر او بتشتغل ؟! انهاردة هنفهم ايه هو الأجهاد ,ايه اسبابه ,اعراضه ,طرق الوقاية منه ,و علاجه كمان .
نبدأ بسم الله 
متنساش تتابع صفحة الدكتور الجديدة علي الفيس بوك عشان يوصلك دايما كل مقالات الدكتور الجديدة من هنا 

ايه هو الأرهاق او الأجهاد؟
الاجهاد او التعب او الأرهاق هو حالة تعب بدني أو ارهاق بتيجي نتيجة  لمتاعب حقيقية أو متوقعة في الحياة.  ناس كتير بتعاني من الاجهاد نتيجة لأحداث كبرى في حياتهم، ضغوط الحياة والشغل و التزامات مالية و أسرية  ,ظروف بيتعرضلها الفرد تتعلق بمستقبله كان يبني عليها أشياء كثيرة أو ظلم وقع عليه من احد الاقارب أو الزملاء وخلاف ذلك،

 ممكن يحدث الاجهاد أيضاً كرد فعل لمشاكل يومية مثل قيادة السيارة وسط زحام شديد . بالاضافة إلى ذلك فقد يعاني الناس الاجهاد فيما يواجهون تهديداً لحياتهم مثلا و ممكن يعاني من الاجهاد أي انسان يشعر بأنه لايستطيع الخروج من مأزق.

علامات الاجهاد و الارهاق

- زيادة ضربات القلب 

-ارتفاع ضغط الدم

-توتر الاعصاب

-الخمول الذهني 

-كثرة الاخطاء في أمور العمل نتيجة لوقف القدرة على التركيز

- وربما يؤدي الاجهاد إلى حتى عدم النوم والقلق الزائد. ومن بين ردود الفعل للاجهاد الانعزال الاجتماعي، والشعور بالعجز عن اصلاح الحال.

ما هو تأثير الاجهاد على جسم الإنسان؟
- يثيرالاجهاد رد فعل تحذيري في جسم الإنسان. وفي اثناء رد الفعل بيزيد افراز "الهرمونات" زي الكوتيزول مثلا في مجرى الدم و بتزيد زيادة كبيرة.
الهرمونات دي تبدا تشغل الانظمة الدفاعية للجسم عشان يواجه الضغط النفسي ده و بالتالي تبدأ اجهزة الجسم يصيبها الضرر و اولهم الجهاز المناعي , كذلك من الهرمونات اللي بتتفرز الادرينالين و ده بيزود ضربات القلب بشكل ملحوظ.

 وده يفسر ليه الناس اللي بيعانوا من ضغط في الشغل ، معرضين اكتر من غيرهم للاصابة بنزلات البرد والانفلونزا .

(الأمراض المتصلة)
ما هي الامراض المتصلة بالاجهاد؟
- الأطباء والباحثين بيعتقدوا ان انواع كتيرة من الأمراض المختلفة قد تنتج عن الاجهاد الطويل مثل امراض المعدة والأمعاء مثل القرحات الخاصة بالمعدة والاثني عشر، والتهاب غشاء القولون، وتحدث أحياناً اضطرابات ضربات القلب، بل ان النوبات القلبية تكون بسبب حالات الاجهاد الشديدة، كما يعوق الاجهاد ايضاً مقدرة الجسم على مقاومة الامراض، فأمراض مثل الرشح (الانفلونزا)  و حبوب الشباب ، وبعض انواع السرطان ثبت انها بتتأثر بالاجهاد.

(المقاومة)
ما هي طرق مقاومة الاجهاد؟
-اولا
(نفسيا)
يحتاج الشخص لقدر من الجهد لتحسين ادائه، لكن الاجهاد البالغ بي}دي للكثير من الآثار السلبية، لذلك يبحث الناس عن طريق مقاومة الاجهاد في حياتهم،  بعض الناس بتمارس اسلوب الاسترخاء، مثل حالات التأمل، كما يمكن تخفيف حالات الاجهاد بالتوقف عن التفكير في الامور التي تبعث على الاجهاد بطريقة مختلفة، مثلا: يستطيع الناس تخفيف الاجهاد بتقبل الاحداث كما هي إذا جاءت عكس ما كانوا يتوقعوا والرياضة المنتظمة والاكل المناسب يخففان كثيراً من الاجهاد.

-ثانيا
(الأعشاب)
ما هي العشاب التي تستعمل ضد الاجهاد؟
- يوجد عدد من الاعشاب لها تأثير كبير في تخفيف الاجهاد أو القضاء عليه ومن أهمها ما يلي:

- البصل ONION
البصل له من خواص متميزة في شفاء كثير من الامراض فهو ينقي الدم وينظم دورته ويدر البول ويزيل الارق والاجهاد ومضاد للجلطات ومضاد جيد لعدد كبير من انواع البكتيريا، ومفيد لعلاج كثير من امراض الرئة وتناول بصلة متوسطة مع طعام الفطور واخرى مع الغداء أو العشاء يفيد الجسم كثيراً في اكسابه المناعة والقوة على حد سواء وهو يخفف الاجهاد بشكل كبير.

- التفاح APPLE
يعتبر التفاح من أفضل الفواكه من الناحية الصحية فهو غذاء وعلاج فهو يكافح الامساك والاسهال عند الأطفال ويقلل من حمض البولينا ويخفف من آلام الطمث وينشط الكبد ويطرد البلغم وينشط القلب ويخفف آلام الاعصاب ويحافظ على الأوعية الدموية ويزيل الشعور بالاجهاد والتعب كما انه مفيد جداً لآلام الروماتزم والنقرس وتناول تفاحة واحدة يومياً كاملة بقشورها له تأثير لا يعادله شيء في تخفيف الاجهاد والتخلص منه.

- الحلبة مع العسل Fenugreek+honey
من منا لا يعرف الحلبة والعسل ، فهي علاج للكثير من الامراض فعلاوة على تخفيضها للسكر في الدم وادرارها للحليب ومقاومتها لكثير من الامراض فإنها تخفف الاجهاد بشكل منقطع النظير، وإذا نظرنا إلى العسل المصاحب للحلبة لوجدنا الاكتمال، فالعسل مشهور بقيمته الغذائية والدوائية ويكفينا وروده في القرآن الكريم، والطريقة ان يؤخذ حوالي نصف كيلو من الحلبة البلدي وتنظف جيداً ثم تسحق  ويؤخذ منها مليء ملعقة متوسطة تضاف إلى معلقة اكل عسل نقي وتمزج جيداً وتؤخذ بعد كل وجبة

- البقدونس Parsley
تعتبر الاوراق مكملة فيتامينيا ومعدنياً طبيعياً للانسان وللبذور مفعول مدر للبول اقوى بكثير من مفعول الاوراق ويمكن استعمالها لعلاج مرضى النقرس والتهاب المفاصل، كما ان الزيت الموجود فيه يعتبر من المواد الجيدة لطرد الغازات وازالة المغص وخاصة المغص المعوي وانتفاخ البطن وهو منبه للرحم ايضاً. وحيث ان البقدونس الأخضر يعتبر من أفضل المواد المانعة للاجهاد حيث يؤخذ حزمة من البقدونس وتنظف جيداً وتؤكل مع السلطة في الغذاء والعشاء وتكفي الحزمة الواحدة ليوم كامل، ويجب عدم استعمال البذور من قبل المرأة الحامل.

- الكزبرة Coriander
 تستعمل الكزبرة كأحد التوابل المشهورة ومضادة لانتفاخات البطن والمغص وهي تهدىء كثيراً من التشنج في الامعاء ومضادة لتأثير التوترات العصبية، كما ان مضغ الكزبرة يحسن النفس الكريه وبالاخص بعد اكل الثوم، والطريقة هو اخذ حوالي نصف كيلو من ثمار الكزبرة وطحنها جيداً ويؤخذ منها معلقة متوسطة وتوضع مع طعام العشاء يومياً وتؤكل ويمكن الاستمرار في استخدامها حيث ان الاستمرار عليها في الأكل لا يضر.

- البابونج CHAMOMILE
يستخدم البابونج كعلاج للجهاز الهضمي وهو مضاد للغثيان والقيء وعسر الهضم وفقدان الشهية، كما انه مضاد للتشنج ويستعمل البابونج على هيئته مغلي وذلك بأخذ ملعقة كبيرة من الازهار الجافة وتضاف إلى ملء كوب ماء مغلي ويترك مغطى لمدة 5دقائق ثم يشرب دون تحليته مرة بعد الفطور واخرى عند النوم ويجب عدم زيادة الجرعة، كما يجب عدم استخدام زيت البابونج العطري الا تحت اشراف مختص.

- المرمية SAGE
يقول المثل الانجليزي عنها "لم يمت المرء وفي حديقته تنبت المرمية" والمرمية اليوم علاج ممتاز لالتهابات الحلق واضطراب الحيض ومضادة للاجهاد والارق، وتحتوي على زيت طيار وتعمل المرمية كمادة قابضة ومطهرة ومعطرة وطاردة للغازات ومولدة للاستروجين وتخفض التعرق ومقوية. وطريقة الاستعمال هو أخذ ملء ملعقة كبيرة من أوراق المرمية غير المسحوقة وتوضع في كوب زجاجي ويضاف لها ماء مغلي حتى الامتلاء ثم تقلب جيداً ويغطى الكوب لمدة 5- 10دقائق ثم يشرب الماء فقط ويترك التفل في قاع الكأس ويكون الاستخدام مرة بعد الفطور وأخرى عند النوم. ويجب أن لا تزيد فترة الاستعمال عن أربعة أسابيع فقط. مع ملاحظة عدم استخدامه من قبل الحوامل، حيث ربما يسقط الجنين في الأشهر الأولى من الحمل.

و بكده تكون مقالتنا خلصت انهاردة عن الاجهاد و التعب , و ازاي نقاومهم و نعالجهم .
اتمني يكون المقال فادكم و انتظروا المزيد ان شاء الله من الدكتور

صفحة الدكتور علي الفيس بوك   

                                                                   تحياتي 

اقرء المزيد

آلام وقرح المعدة...أسباب و أعراض و طرق الوقاية

علي طول بنسمع عن مصطلح (قرحة المعدة) بس يعني ايه قرحة المعدة ؟؟
 و هل ممكن يكون حد مصاب بقرحة المعدة و هو ميعرفش !!!

انهارده هنعرف يعني ايه قرحة المعدة و ايه اعراضها و ازاي تحمي نفسك منها؟!

ما هي قرحة المعدة؟! 

هي قرحة تتكون في منطقة القناة المعِدّية يعني بتتكون في جدار المعدة ببساطه نتيجة تقشير الطبقة المبطنه لجدار المعدة من الداخل،  بتكون غالبا حمضية الوسط و ده بيخليها مؤلمة. حوالي 80% من القرحات بتبقي نتيجة الاصابة ببكتيريا (الهيلكوباكتر بيلوري) او ال( H.PYLORI) وهي بكتيريا عصوية الشكل تعيش في بيئة المعدة الحمضية. حوالي 20% بس من الحالات المصابة بالقرحة بتروح للدكتور (طبعا مش حالة خطيرة لو تم اكتشافها في وقت مبكر بتتعالج دوائيا وممكن علاجها جراحيا بس في حالات متقدمة جدا ). بعض الأدوية ممكن تسبب ظهور القرحة أو تزيدها سوءاً مثل الأسبرين ومضادات الالتهاب غير الستيرويدية Non-Steroidal Anti-Inflammatory Drugs (NSAIDs).

عشان كدة ممنوع منعا باتا نفضل نأخد ف اسبرين و مسكنات عمال علي بطال خصوصا علي معدة فاضية. 

 -طبعا اللي يقولك ان القرح التي بتظهر في الاثنى عشراكتر من اللي بتظهر في المعدة ده كلام غلط طبعا . 

-حوالي 4% من قرح المعدة تسببها -لا قدر الله - أورام سرطانية لذا فإنه من الأفضل أخذ عدة عينات من المعدة للتأكد من خلوها من أي أورام سرطانية. أما قرحات الاثنى عشر فهي بشكل عام حميدة.

تصنيف القرحة الهضمية:

ممكن تحصل القرحة في أعضاء مختلفة من أعضاء الجسم  منها:

المعدة (تسمى القرحة المعدية).

الاثنى عشر (تسمى قرحة الاثنى عشر).

المريء(تسمى قرحة المرئ)

الأعراض :
-قئ دموى
-براز مدمم
- قئ و غثيان .
-ألم في البطن: ألم في رأس المعدة، وله علاقة وثيقة بأوقات وجبات الطعام.

-التدخين .
-تناول الكحوليات .
-الضغط العصبى .
-العلاج  بالمضادات حيوية لقتل بكتيريا .

طرق الوقاية:

كيف تقى نفسك من قرحة المعدة ؟!

قرحة المعدة من الامراض الشائعة .
كبار السن هم الأكثر عرضة للإصابة بقرح المعدة .

الوقاية تكون عن طريق :
●الأبتعاد عن الاكل الدهني .
●الأبتعاد عن البهارات الحارة .
●الأبتعاد عن تتناول القهوة و المنبهات .
●تجنب الاكل قبل النو مباشرة .
● غسل الايدى بشكل مستمر .
● الاهتمام بالنظافة الشخصية .
● تناول الطعام مكتمل النضج .
● تناول مسكنات الألم بحرص .

●الأبتعاد عن الضغط النفسي و العصبي.


و بكدة نكون عرفنا يعني ايه قرحة معدة ؟! و ايه أعراضها؟! و أساليب الوقاية منها ؟!

اتمني يكون المقال افادكم ...لا تنسوا الأشتراك في صفحة الدكتور علي الفيس بوك ليصلكم كل مقالات الدكتور الجديدة .

الصفحة من هنا 

مع تحيات الدكتور

اقرء المزيد

اتعرف علي اللبن و أنواعه و فوائده العظيمة ...لا يفوتك

اللبن ...
لبن = milk





هنعرف دلوقتي اى الفرق بين انواع اللبن  ,,, وانت المفروض تشرب اللبن
كامل الدسم ؟ ولا خالي الدسم ؟

بسم الله ,,,

لما نسمع #كلمة_لبن ... اول حاجة بتيجي ف بالنا هي #الكالسيوم ...
اشرب لبن >>>> عشان #عضمك_يقوي
عضمك هيقوي بسبب >>> الكالسيوم

اول سؤال ... هل نسبة الكالسيوم بتختلف او هتختلف لما اللبن يبقي خالي الدسم ؟؟؟

هقولك ان #الاجابة_مفاجأة ... ع عكس ما هيجي ف بال معظم ال هيقرا المقال
هيقولي اكيد يا دكتور النسبة هتكون اقل ... :D

هقولك ان المفاجأة ... ان نفس كمية اللبن من " 100 مل خالي الدسم و 100 مل كامل الدسم "
لما تيجي تحللهم هتلاقي ان
""" الخالي الدسم فيه #نسبة_كالسيوم ... اعلي ... اعلي بنسبة 10 % من الكامل الدسم """

يبقي الناس ال فاكره ان اللن الخالي ,,, الكالسيوم فيه قليل
فاحب اقولهم " ان دا كلام مش مظبوط "

"""""""""""""""""""""""""""""""""""""""""""""

تاني سؤال ... #نسب_الدهون اخبارها اى يا دكتور ؟؟؟

هقولك ركز معايا عشان الموضوع مش مباشر ...
نسبة الدهون ف اللبن سواء خالي الدسم او كامل الدسم ... مش كبيرة #مش_عاليه
حتي الكامل الدسم مفيش قلق منه اوي من حيث الدهون لكن """ بشرط """
اى هو الشرط ؟؟ او اقصد اى ؟؟

- انت لو :-
= اولا ... لو الموضوع بالنسبالك عباره عن كوبايه لبن ف اليوم ... فمتشغلش بالك ب
ان اللبن دا هيكون خالي الدسم ولا كامل الدسم ... مش هتأثر معاك اوى ...

= ثانيا ...لو الوزن بالنسبالك مش حاجة ف الحسبان او مش خايف تتخن بمعني اصح ...
وبمعني اقوي ... مش مركز ع #نسبة_دهون جسمك ...
يبقي برده متشغلش بالك اللبن خالي او مش خالي .

""" و سواء انت دا او دا ,,,
كدا كدا النسبة بسيطة زي ما فهمنا ... ومش هتأثر معاك ف حاجة قوية """

= ثالثا ,,, لو انت عامل نظام غذائي محسوب بالمللي ,,, وشخص بتدور ع اقل نسب الدهون الممكنة

يبقي تخليك ف اللبن الخالي الدسم

"""""""""""""""""""""""""""""""""""""""""""""

شوية ملحوظات صغيره ,,, :-

""" سواء اللبن خالي الدسم او كامل الدسم ,,, فهم الاتنين قيمة غذائية محترمة وقوية جدا
وكا نسب معادن وفيتامينات فالاتنين قريبين من بعض ومفيش فرق قوي ما بينهم """

""" نقطة مهمة وناس كتير مش واخدة بالها منها ,,,
لازم لو انت بتخس تعامل اللبن معاملة قوية زي اى حاجة بتتاكل او بتتشرب , متفتكرش ان اللبن عادي كدا وسداح مداح ,,, وانك تشرب نص لتر ولا لتر كل يوم عادي ومش هيعمل حاجة ,,, ابدا كدا انت فاهم غلط ,,,
اللبن ف الاول وف الاخر يعتبر وجبة , وجزء من المواد ال بتدخل الجسم والجسم بيستخدمها او بيخزن منها ,,, فلازم التعامل معاها بحرص وفهم """

""" الاطفال ,,,

 يشربوا اللبن #الكامل_الدسم """

""" يا دكتور انت نسيت تتكلم ع اللبن #نصف_دسم ,,, هقولك لا منستش ولا حاجة
انا قاصد ده,,, عشان دا نوع #مايع :D ,,, ولا هو كدا ولا هو كدا ... فملوش لزمة
وانا بحب الحاجة الواضحة الصريحة :D """

""" عشان الحق قبل ما حد يسأل ,,, اللبن فيه كام جم بروتين ؟ :D
ال 100 مل فيهم 4 - 5 جم بروتين """

""" ف ناس " خصوصا الكيميائين والدكاترة " هتقولي ان اللبن الخالي الدسم مش هيخلي الفيتامينات ال فيه تُمتص ,,, عشان مفيهوش دهون ,,, وف فيتامينات لازملها دهون عشان عمليه الامتصاص تتم ,,, فهقولك تمام الفيتامينات دي محتاجه دهون فعلا عشان تمتص ,,, لكن ,,, الدهون دي ممكن تيجي من اكتر من حاجة ومن باقي اكلك وشربك ع مدار اليوم ,,, بمعني انها مش واقفه ع الدهون ال ف اللبن """

"""""""""""""""""""""""""""""""""""""""""""""

يارب يكون مقال مفيد ووافي وبسيط
,,, وفهمنا الفرق بين انواع اللبن وعرفنا امتي تستخدم دا وامتي تستخدم دا

متنساش الاعجاب بصفحتنا الجديدة علي الفيس بوك عشان يوصلك كل مقالات الدكتور الجديدة من هنا 

اقرء المزيد

بسمة الموت ...مرض خطير أعرف أعراضه و كيف تحمي نفسك منه ؟!

(بسمة الموت )....  Tettanus

لم أجد طريقة لتبسيط الموضوع الا من خلال كتابتها بسيناريو أدبي

............................
المرض القاسي يسحق لحمه وعظامه.
ملعقة صغيرة من هذا السم تكفي لقتل أمة مثل ألمانيا!!!
.........................

تعالوا ندردش عنه!!!!!
........................
التيتانوس هو المرض الذي لا اريد ان اشاهد ضحيته
قسوة مهنتي مازلت عاجزة علي اعتيادي لمثل هذا الرجل في حال تملك المرض منه...
الموضوع طويل جدا و قاسي جدا و تفاصيله كثيرة ...
أرجوكم احتملوني هذه المرة فسأروي الحكاية من البداية
....................
Clostridium tetani
هو الوحش الكامن الخطير الذي يعيش في حالة كمون فترات طويلة متربصا بفريسته البريئة أشبه بكائن ميت ينتظر ان يباغت          ضحيته في قسوة ليسلبها الحياة و يمنحها لنفسه

.........................

.باختصار هذا هو اسم البكتيريا المسببه لهذا المرض القاتل

: وهذه البكتيريا مقاومة لعوامل كثيرة
 الجفاف
الغليان لفترة اقل من 20 دقيقة
المطهرات
.................
ويبقي السؤال
متي يخرج هذا الوحش من مكمنه لاصطياد فريسته ؟؟؟
متي سنحت الظروف بوجود بيئة لا هوائية

  يمكن ان تحدث الاصابة بهذا المرض في  حالات الجروح الملوثة و الاصابة باجسام غريبة او عن عن طريق تلوث انسجة ميته لا يستطيع الدم الوصول اليها .

***************

اين مكمن الخطر ؟؟؟
هذا المارد الخطير يتسلل الي الجسم دون يترك دليلا ورائه فهو لا يسبب اي التهاب 

ولذلك لا تنتبه الضحية الي تسلل الوحش السفاح الي الجسد الا في اللحظات الخطيرة
.......................
كيف يفرز الوحش سمومه ؟؟
ينتج السفاح نوعين من السم
1-tetanolysin
وهو سم يسبب تكسير الكريات الحمراء haemolysis 

2-tetanospasmin
وهو اقوي سم عرف علي وجه الأرض
وملعقة صغيرة منه كافية لقتل أمة بكاملها من تعداد المانيا !!!!
و الجرعة القاتلة منه من وحدة النانو
2-5ng/kg

وهنا مكمن الخطر !!!
لأن هذه المادة تفقد  الخلايا العصبية المركزية القدرة علي السيطرة علي الخلايا العصبية الحركية  

 و بالتالي تنقبض العضلات دون حاكم او ضابط علي نحو مستمر
تنقبض بقوة و قسوة لأقل مؤثر خارجي لدرجة ان الصوت او الضوء يثيرها علي نحو عنيف فتنقبض حتي تكاد تسحق لحمه و عظامه
ما ان يمسك هذا السم بتلابيب مريضه و وصلاته العصبية حتي يتشبث بها في عناد و اصرار وترصد
و يقف كل عباقرة الطب عجزة منكسي الرؤوس في غسل هذا السم

او كان الرجل محظوظا و تثبت السم في امداد العضلة العصبي فقط ولم يتسلل الي الحبل الشوكي !!!
 ولذلك تكتب النجاة لمن كانت اصابته طفيفة

و يكتب في عداد الموتي من تسرب السم من خلال اللمف و الدم الي النخاع الشوكي و الأعصاب

...........................

المعلومات المرعبة
انت في مرمي السم القاتل
لا تتحسس يديك و قدميك
لا تتنهد في ارتياح ان لم تجد جرحا فيها ...فالمارد القاتل قريب منك جدا
: فسم التيتانوس قد يقتنص ضحاياه في الحالات التالية
الحروق
عدوي الاذن الوسطي
اجراء في الاسنان دون تعقيم كافي
اي اجراء جراحي دون تعقيم كافي
التاتو
..............................

متي تظهر أعراض المرض؟ ؟؟
يحتاج الوحش الصامت الي 7 ايام فقط ليعلن عن وحشيته
.......................................................
السؤال المهم ...متي تقلق بشأن مريضك
و تزدرد لعابك ان الرجل في طريقه الي العالم الأخر؟ ؟؟؟؟؟
عليك ان تقف قلقا امام مريضك يعتريك الخوف والقلق اذا ما وجدته في احد هذه المواقف

1-
الفترة بين الجرح و الاعراض قصيرة
2-
وان تكون التشنجات سريعة في الظهور عليه

3-

ان يكون الجرح في رأسه او وجهه

4-

اذا كان وليدا رضيعا

الأعراض

تشنجات في العضلات نتيجة لإفراز السموم في منطقة الجرح. 

الأرق. 

الصداع. 

عدم الشعور بالراحه. 

 .يؤدي إفراز سموم التيتانوس إلى حدوث تشنجات  معظم عضلات الجسم ومن أهم تلك العضلات عضلات الفك ,حيث يؤدى ذلك إلى إغلاق الفك بواسطة العضلات المحيطة به فيما يعرف باسم بسمة الموت او ضحكة الموت  

ينتج عن تلك التشنجات حدوث أضرار بالجهاز التنفسي ووجود صعوبة في التنفس مما قد يؤدي إلى حدوث الوفاه.

................
*********
العلاج

هذا المرض مستحيل التعامل معه خارج المستشفي و لذلك فلن يفيد التحدث عن اساليب العلاج لتعقيدها و لكن العلاج يكون في المستشفي فقط و غير مصرح لغير الاطباء بالتعامل مع هذه الحالة.

لكن هل يجب ان ننتظر حتي تحدث اصابة؟؟؟؟
هل يوجد تحصين ضد المرض؟ ؟؟؟

بالطبع يوجد وهي في في موضعين
الاول هو التطعيم الإجباري في عمر
2 month
4 month
6 month
12-18 month
4-6 year

السؤال ماذا عن الذين تخطوا هذا العمر و لم يأخذوا التطعيم ؟؟؟؟
ابدأ معه سلسلة من التطعيم قوامها 3 جرعات

السؤال الآن ماذا عن الذين تخطوا هذا السن وكانوا قد اخذوا التطعيمات الاجبارية؟ ؟؟
فقط يكفيهم جرعة  

  تقدروا دلوقتي تتابعوا صفحة الدكتور الجديدة علي الفيس بوك من هنا 

اقرء المزيد

بتعاني من آلام القولون؟!...أتعرف علي الأكل اللي بيحبه قولونك.

خمسة أغذية يحتاجها قولونك

----------------  
القولون هو أحد أجزاء القناة الهضمية الذي يحتاج الى عناية خاصة، دعنا نعرفك على خمسة أغذية مهمة لتعزيز صحته ووقايته أي مشاكل صحية:

خمسة أغذية يحتاجها قولونك
يعتبر سرطان القولون أحد أكثر أمراض السرطان شيوعاً، ففي تقرير سجلته الولايات المتحدة، تبين أن سرطان القولون يصيب ما يقارب 140,000 امرأة ورجل سنوياً.

ويعتبر سرطان القولون  احد الامراض التي يمكن الوقاية منها مسبقاً وتقليل فرص الإصابة بها من خلال نمط الحياة الصحي. وبحسب مركز  The American Institute for Cancer Research، فإن نصف الحالات المصابة بسرطان القولون يمكن تجنب الاصابة بها بتغيرات نمط الحياة واتباع نظام غذائي صحي.

وبالطبع لا يوجد غذاء لوحدها يعتبر الغذاء السحري في مكافحة أو علاج السرطان، ولكن التركيز ضمن تغذيتك السليمة المتوازنة على بعض الأنواع من الأغذية قد يكون له دور كبير في الحفاظ على قولون صحي.

أشهر خمسة أغذية لتعزيز صحة قولونك:

اللبن الزبادي

تشير بعض الدلائل إلى كون النظام الغذائي العالي بالكالسيوم وفيتامين D هو نظام يساهم في الوقاية من ظهور الأورام الحميدة في القولون، والتي يمكن أن تتحول إلى أورام خبيثة مستقبلاً.

تناول اللبن الزبادي قد يكون مصدراً رائعاً ليس فقط لمادة البروبيوتيك التي تعزز بيئة الأمعاء وتقوي مناعة الجسم والجهاز الهضمي بشكل خاص. فهو يعد مصدراً للكالسيوم، وفيتامين D اذا ما اخترت نوع مدعم به.

الكركم

يعتبر الكركم أحد التوابل المهمة بكونها تحوي الكركمين وهو مضاد للاكسدة قوي في مكافحة الالتهابات، ويثبط من نمو الأورام السرطانية. وهذا ما أكدته دراسة نشرت في تقرير (Current Colorectal (Cancer.

الى الان لم يتم تحديد الكمية اللازم تناولها من الكركم لتحصيل الفائدة. لكن بحسب توصيات جامعة مركز ميرلاند للطب (University of Maryland Medical Center)، فإن الأفضل هو تناول نصف ملعقة صغيرة من الكركم يومياً، وبالإمكان خلطه مع الحليب.

البقوليات

دراسة تحليلية صينية حديثة بينت أن مليون بالغ ممن يستهلكون البقوليات بكميات كبيرة، كانت فرص إصابتهم بالسرطان أقل.

وقد تم تفسير ذلك على أن البقوليات  مثل الحمص والعدس والفول قد ترتبط بتقليل فرص الإصابة بسرطان القولون. وذلك قد يعود الى محتواها من الألياف الغذائية، ومواد مضادة للسرطانات ومغذيات مهمة مثل: فيتامين B، و الايسوفلافون (isoflavones)، والليجنين (lignans).

الأسماك الزيتية

الأسماك الزيتية وخاصة السلمون، تمدك بالعديد من العناصر المهمة لجسمك ومناعته، فكل ما يقارب 90 غم من السلمون من الممكن أن تمدك بما يقارب  1800 ملغم من أوميغا 3 والكمية الموصى بها من فيتامين D. وكل هذه المواد مهمة لحماية الجسم وخفض معدل الإصابة بسرطان القولون.

العديد من الدراسات تربط تناول كميات عالية من فيتامين D بخفض خطر الإصابة بسرطان القولون، كما ان تناول الأوميغا 3 بكميات جيدة سيساهم في منع تشكل الإنزيمات والشعيرات الدموية التي تلعب دور في نمو الأورام.

الشاي الأخضر

يعتبر الشاي الأخضر مصدر البوليفينولات والـ (غالاتي غاللاتي) EGCG، التي يعتقد بأن لها دور مهم وكبير في مكافحة الجذور الحرة، وتمنع خطر الإصابة بسرطان القولون.

جرب تناول منقوع الشاي الاخضر يومياً وفي فترة بعيدة عن الوجبات وساعات النوم لتحصل الفائدة المطلوبة

دلوقتي عرفنا الأغذية المفيدة للقولون و اتمني المقال يكون عجبكم و استفدتم من المحتوي .

تقدروا دلوقتي تتابعوا صفحة الدكتور الجديدة علي الفيس بوك عشان يوصلكم اجدد معلومات و مقالات الدكتور من هنا 

مع تحيات الدكتور

اقرء المزيد

آلام الدورة الشهرية عند السيدات...الأعراض و العلاج

آلام الدوره الشهرية

تعريف

هو ألم يحدث فى الجزء السفلى من البطن ( عند الحوض ) لدى النساء عند بدء نزول الدورة الشهرية أو قبلها بأيام قليلة ، و عادة ما يستمر لمدة 2 - 3 أيام ثم يختفى تلقائيا
تختلف درجة شدة هذا الألم من امرأة لأخرى.

الأعراض والتشخيص

تشمل الأعراض المصاحبة لهذا المرض ما يلى :
(1) ألم أسفل البطن ( عند الحوض ) مصاحب لنزول الدورة الشهرية
(2) حتى يتم تشخيص هذا الألم على أنه مغص الدورة الشهرية ، فيجب أن لا يصاحبه أى من الأعراض التالية : إرتفاع درجة حرارة الجسم - قىء - مشاكل فى البراز - إفرازات مهبلية ذات رائحة كريهة

الوقاية والعلاج

(1) راحة بالفراش عند اشتداد الألم
(2) عمل كمادات مياه ساخنة على الجزء الأسفل من البطن
(3) مسكن و مضاد للإلتهاب : أقراص إبوبروفين Ibuprofen 400 mg Tab ( قرص ثلاث مرات يوميا حتى انتهاء الألم )
(4) مضاد للتقلصات : أقراص سبازموبيرالجين Spasmopyralgin Tab ( قرص مرتين يوميا لمدة يومين )

ملاحظات

يستحسن مراجعة طبيب متخصص فى أمراض النساء و الولادة ليقوم بالكشف الطبى على المريضة و استثناء أى مرض خر.

تقدروا دلوقتي تتابعوا صفحة الدكتور الجديدة علي الفيس بوك من هنا 

اذا استفدتي بالمقال قومي بنشره لتستفيد غيرك

اقرء المزيد

سمعت عن حبوب الشجاعة و القوة قبل كدة ؟!....يبقي لازم تعرف.

سمعت عن حبوب الشجاعة و القوة قبل كدة؟! طل لو مسمعتش تصدق لو حد قالك ان فيه حبوب لو خدتها تقدر تحول لأنسان تاني قوي جسمه متناسق و جميل ؟؟! ايه مش مصدق !! تعالي اثبتلك .

سنة1972... فيه عالم أسمه آريل عمل تجربة على لاعبين كمال أجسام ليها علاقة بالهرمونات .
قال إن التجربة هتستمر لمدة ١١ إسبوع ، أول ٧ أسابيع هيعتمد في تدريبهم على رفع الأوزان فقط واللي هيحقق فيهم أعلى نتايج هيبدأ ياخد هرمون الدنابول(هرمون منشط بيساعد في زيادة الكثافة العضلية) لمدة ٤ أسابيع .

بعد ٧ أسابيع الباحثين إختاروا ٦ أشخاص عشوائي وقالوا إنهم الفايزين وقالولهم هنديكم هرمون الدنابول .
وبالفعل إدوهم حبوب تشبه حبوب الدنابول لكنها في الحقيقة كانت مجرد حبوب وهمية مفيهاش أي مادة فعالة ولا ليها تأثير .

النتيجة اللي حصلت بعد كده كانت مفاجأة لكل الناس !

الأشخاص اللي أخدوا الحبوب الوهمية حققوا أرقام قياسية في كل التدريبات اللي أجريت عليهم .

في بداية التجربة أول ٧ أسابيع كان متوسط الزيادة في أوزان تمرين الإسكوات (٢.٦ كيلو)
في آخر ٤ أسابيع بعد ما أوهموم إنهم بيتعاطوا منشطات أوزانهم زادت في تمرين الإسكوات بمعدل (١٨.٩ كيلو) ، يعني تقريبا بزيادة ٧ أضعاف .

في أول ٧ أسابيع أوزانهم زادت في تمرين البنش برس بحوالي (٤.٥ كيلو)
في آخر ٤ أسابيع بعد الحبوب الوهمية أوزانهم في نفس التمرين زادت بمعدل (١٣.٣ كيلو)
النتيجة النهائية كانت إن كل المجموعة بقت أقوى وأدائها أعلى بعد ما إقتنعوا إنهم بيتعاطوا المنشطات .

⛔️ إيه أهم شئ أثبتته التجربة ؟
التجربة أثبتت شئ مهم جدا ، هو إنك لو إقتنعت بتأثير شئ عليك هتوصل للنتيجة اللي إنت مقتنع إنها هتحصل حتى لو كان الشئ ده ملهوش تأثير فعلا .
يعني لو إقتنعت إنك طول مابتتمرن كويس وبتاكل كويس هتوصل لنتيجة يبقى في الآخر هتوصل للنتيجة اللي إستنيتها .
في قانون عالمي مشهور إسمه "قانون الجذب" بيقول إن عقلك عنده قوة خارجة بتخليه يقدر يتحكم في حاجات كتير حواليك ويخليها تتحقق لمجرد إنك صدقتها .

تخيل لو قدرت تستخدم القانون ده لصالحك وتصدق في قدراتك هتقدر توصل لإيه ؟
تخيل لو آمنت بكل قوتك إنك بالتدريب والدايت هتقدر تخس وتوصل لشكل الجسم اللي نفسك فيه ؟
صدقني العلم والتجربة العلمية والشخصية بتقول إنك هتقدر .
لو صدقت إنك ناجح يبقى هتنجح .. لو صدقت إنك تقدر يبقى هتقدر ... حياتك و احلامك انت اللي بتتحكم فيهم مش حد تاني غيرك.

المصدر العلمي

•المصدر الاول
•المصدر الثاني


تقدروا دلوقتي تتابعوا صفحة الدكتور الجديدة علي الفيس بوك من هنا 

اقرء المزيد

أهم الفيتامينات الضرورية للبنات و السيدات ...مهم جداا

صحتك لازم تكون مهمة عندك عشان نفسك وطموحك وأحلامك ، وطول ما إنتِ أولوية مفيش مستحيل ولا حاجة هتقدر تهزمك .

الڤيتامينات مهمة جدا مش بس لصحتك لكن عشان مودك ومظهرك ، من السهل إنك تخدي كل الڤيتامينات والمعادن اللي إنت محتاجاها عن طريق إختيارات أكلات صحية وسليمة ، لكن الدراسات أثبتت أن معظم النساء بيعانوا من نقص في نوع علي الاقل من الڤيتامينات والمعادن لو مش أكتر .

✳️ أهم الڤيتامينات بالنسبالك كـ بنت:

1️⃣ الڤيتامينات المضادة للأكسدة (A,C,E) {لانها بتحسن النظر، وجهاز المناعة، وبتقلل خطر الاصابة بأمراض القلب}

2️⃣ ڤيتامين( B) {اللي بيحسن الميتابوليزم ويحافظ على العضلات و يمنع الخمول والتعب}

3️⃣ ڤيتامين (B7) أو البيوتين {اللي بيحافظ علي صحة البشرة والاظافر ويمنع تساقط الشعر}

4️⃣ ڤيتامين (B12) {اللي بيحمي ضد السرطان والعيوب الخلقية}

5️⃣ ڤيتامين (D) {وده بيقلل خطر الاصابة بسرطان الثدي بنسبة بتوصل لـ٥٠٪‏ وبيحمي ضد سرطان المبيض و مرض السكر وبيساعد علي إمتصاص الكالسيوم وبيمنع الاظطرابات المزاجية والهرمونية}

6️⃣ الاوميجا ٣ { بتحمي من التهاب المفاصل وأمراض القلب والزاهيمر وبتحارب الاكتئاب وبتحسن الحرف وبتقلل نسبة الدهون الثلاثية}

 لو آستفدتي أو إتعلمتي معلومة جديدة إعملي تاج شاركي المقال لكل المهمين في حياتك

اقرء المزيد

يا تري البنات لو اتمرنت هيطلعلها عضلات زي الرجاله ؟؟!...هنجاوبك

نفسك تتمرني و تنزلي الجيم بس خايفة يطلعلك عضلات و يبقي منظرك مش لطيف ؟؟!

❎ الأسطورة بتقول : البنت لو إتمرنت حديد هيطلعلها عضلات زي الرجالة
✅ الحقيقة: لو عايز تبني عمارة لازم يكون عندك العناصر الأساسية اللي هي الطوب والأسمنت اللي من غيرهم مستحيل هتعرف تبنيها .
المسئول الأول والرئيسي عن نمو وتضخم عضلات الراجل هو هرمون الذكورة "التستوستيرون" اللي موجود عند الرجال البالغين بكميات كبيرة (٢٠ مرة أكبر من النساء) في حين إنه نسبته عند النساء تكاد تكون معدومة مقارنة بالرجل .

يعني البنت لو فضلت تتمرن حديد طول حياتها مش هيبقى عندها عضلات زي الرجالة لإننها ببساطة ماعندهاش العامل الرئيسي اللي هو هرمون الذكورة .

▪️طيب والبنات اللي بنشوفهم في الصور عندهم عضلات ضخمة ؟
البنات دول للأسف ب يلجأوا لتعاطي هرمونات الذكورة -المنشطات- بكميات كبيرة علشان تكون بالشكل ده.

المصادر والأبحاث
•المصدر الاول
•المصدر الثاني

بأختصار مفيش بنت تخاف من الرياضة او التمرين , مارسي رياضة عشان صحتك و رشاقتك و جمالك.

اتمني يكون موضوعي نال اعجابكم و انتظروا المزيد من الدكتور.

اقرء المزيد

نفسك تدخن بس خايف ؟!...متخافش جبنالك فوائد للتدخين

عايز تشرب سجاير ؟! مش قادر تشرب عشان اضرار التدخين ؟؟!
متخاااااافش الحل عندنا جبنالك مبررات علمية من مصادر موثوق منها تخليك تشرب سجاير و انت مطمن :D 

في المقال ده هنقولك الاسباب اللي تخليك تشرب سجاير او تدخن و انت ضميرك مرتاااااااح 
من الآخر أطمن خاااااااااااالص هنسمعك اللي عايز تسمعه :D

المبرر الاول
المدخن بيبقي اقل عرضه من غيره انه يعمل عمليه تغيير مفصل الركبة و دي اسمها بالأنجليزي KNEE REPLACEMENT SURGERY و دي ممكن تبقي نتيجه ممارسة الرياضات العنيفة او السمنه المفرطة و طبعا المدخن مش هيعرف يمارس رياضة و هتعرف ليه دلوقتي :D غالبا مبيوصلش للسمنه المفرطة و ده علي حسب الاحصائيات و الدراسات نتيجة ان المدخن بيحس ان طعم الأكل وحش جدااا و بالتالي بيستهلك كمياات اقل بكثيير من الشخص الطبيعي , بكده نوصل ان المدخن غالبا مش هيحتاج العملية دي و ده نظرا ان المدخن غالبا مبيقدرش يمارس رياضه او يتحرك كتير لانه بالطبع رئة المدخن بتكون اتدمرت  بفعل التدخين و مجهود الشخص ده قل جداااااا بسبب ان التدخين بيدمر الأنزيمات المسئوله عن عمليه التنفس الخلوي و اللي بدورها مسئوله تنتج طاااقة الجسم كلها , بمعني ان المدخن حرفيا مبقاش عنده اي قدرة انه يمارس الرياضه بشكل طبيعي و كذلك بسبب ان شهية المدخن بتبقي مضطربه جدااا علي عكس الشخص الطبيعي.

المبرر التاني
المدخن اقل عرضه انه يموت بالأزمة القلبية و ده لأن الازمات القلبية بتيجي للمدخن و هو في سن صغيرة جداا و بالتالي فرص تغلبه علي الازمة القلبية بتبقي مرتفعة , كمان عمر المدخن بيبقي قصير جداا و بالتالي مش هيوصل لسن كبير يبقي عرضه فيه انه يموت بالازمة القلبية و ده طبعا لأنه هيموت باسباب تانيه كتييييييييير غير السبب ده .

المبرر التالت
المدخن اقل عرضه  بالاصابه بحب الشباب , و للي ميعرفش حب الشباب بيحصل نتيجه انتشار بكتريا معينه في الوجه تتغذي علي بعض افرازات الجلد و التي تعرف بال SEBUM فيقوم الجهاز المناعي للشخص الطبيعي بمهاجمة البكتيريا بشكل قووي , و نتيجة لهذا الهجوم يظهر حب الشباب و بالتالي حب الشباب ما هو الا استجابة جهاز المناعة للبكتيريا التي تهاجم الجلد , و بما ان مناعة الشخص المدخن ضعيفة جداااااا فلن يتم مهاجمة البكتيريا و لن يحدث حب الشباب من الاساس .

المبرر الرابع
الشخص المدخن شخص مفيد للدولة و المجتمع لانه بيدفع ضرائب كاملة علي السجاير  و الاكتر من كده ان التدخين يعتبر مثل الادوية يندرجوا تحت بند السلع غير المرنة اي مهما زادت اسعار السجائر فلن يتاثر الاقبال علي الشراء , كذلك الشخص المدخن وفقا لأحدث الدراسات القائمة علي احصائية قامت بها دولة التشيك فأن المدخن يوفر علي الدولة ما يقرب من عشرة ملايين دولار و ده لأن متؤسط عمر الشخص المدخن أقل من الطبيعي بحوالي عشر سنين و بالتالي وفر علي الحكومة النفقات العلاجية و الصحية اللي ممكن تصرفها علي الشخص ده .

دلوقتي احنا قولنالك علي اربع مبررات كفايه عليك اوووي تقدر بعد ما قريتهم تدخن و انت ضميرك مرتاااااااااح .

طبعا مش محتاج اقولك انك لو بعد ما قريت المقاله دي فهمت اننا بنشجعك تدخن بجد فأنت محتاج تطلع تقراها تاني :D

القرار بأيدك محدش هيعاني معاناتك و لا هيمرض مكانك .....انت سيد قرارك :)   

اقرء المزيد